Іран прыпыніў супрацоўніцтва з МАГАТЭ
Прэзідэнт Ірана Масуд Пезешкіян абвясціў аб прыпыненні супрацоўніцтва Тэгерана з Міжнародным агенцтвам атамнай энергіі (МАГАТЭ), паведамляе агенцтва Mehr.
Масуд Пезешкіян. Фота: Vahid Salemi / AP
Раней 25 чэрвеня парламент Ірана ўхваліў законапраект аб прыпыненні супрацоўніцтва Тэгерана з МАГАТЭ пасля «яго палітычна матываванай рэзалюцыі супраць Ісламскай Рэспублікі».
Зараз інспектарам МАГАТЭ не будзе дазволены ўезд у Іран, «калі не будзе гарантаваная бяспека ядзерных аб'ектаў краіны і мірнай ядзернай дзейнасці».
Адпаведнае рашэнне (аб магчымай інспекцыі МАГАТЭ ў будучыні) будзе прымацца Вышэйшай радай нацыянальнай бяспекі Ірана.