«Апрануў самае дарагое, што было». Выпускнік БДУІР прыйшоў на ўручэнне дыплома ў даспехах і з мячом ВІДЭА
Ужо былы студэнт правёў цырымонію пасвячэння ў рыцары. І выкладчык падыграў.
Выпускнік БДУІР вырашыў пакрэатывіць на ўручэнні дыпломаў. Хлопец прыйшоў на цырымонію ў сапраўдных даспехах і з двуручным мячом.
Сцяпан павольна і разважліва падняўся на сцэну і папрасіў выкладчыка правесці цырымонію прысвячэння яго ў рыцары. Выпускнік факультэта камп'ютарнага праектавання стаў на адно калена, і выкладчык правёў імправізаваную акаладу.
Гледачы ад такога крэатыву былі ў захапленні. Хтосьці выказаў здагадку, што хлопец надзеў на ўручэнне дыпломаў самае дарагое, што ў яго было. Хтосьці паабяцаў паўтарыць такі перфоманс на сваім выпускным. А яшчэ каментатары пахвалілі выкладчыка, які не разгубіўся і падтрымаў задумку выпускніка.
Ролік рэпостнуў у сацсетках і факультэт з такім подпісам: «Паступайце на ФКП — і выпусціцеся рыцарамі!».