На мінскай Камароўцы ў два разы патаннелі лісічкі
На сезонным рынку цяпер багацце ягад і гародніны, а цэны паволі пачынаюць падаць, піша Tochka.by.
Скрыншот: komarovka.by / Instagram
Прыйшло цяпло — патаннелі лісічкі. Яшчэ пару дзён таму гэтыя грыбы каштавалі па 40 рублёў, а цяпер прадаўцы гатовыя аддаць тавар за 20 рублёў за кіло (ёсць варыянты і за 17).
А вось цэны на клубніцы падаць, мяркуючы па ўсім, не збіраюцца. Гэтую ягаду можна знайсці коштам 14,9 рубля, але ёсць варыянты і даражэйшыя — па 19 рублёў. А калі вельмі пашанцуе, то можна нават знайсці іх танней — усяго за 8 рублёў.
Скрыншот: komarovka.by / Instagram
За буякі просяць 35 рублёў, маліна па такой жа самай цане. Кілаграм чарніц прадаецца ў сярэднім па 15 рублёў, чарэшня ўжо па 19. Ёсць і вішня па 10 рублёў за кілаграм.
З'явілася на рынку і кукуруза: кілаграм — 15 рублёў.
Чытайце таксама:
З’еў кілаграм клубніц — і нічога! А вось што кажа доктар
Колькі можна зарабіць на грыбах за дзень? Беларус правёў эксперымент і застаўся задаволены
«Ягадаў меней, а цэны большыя». Што робіцца на галоўным рынку клубніцаў