Пуцін заявіў, што правядзе тэлефонную размову з Трампам
Што канкрэтна ён збіраецца сёння абмеркаваць з прэзідэнтам ЗША, не ўдакладняецца, піша РБК. У сваёй сацсетцы Truth Трамп пацвердзіў, што размова запланавана.
Уладзімір Пуцін. Фота: AP
Раней прэс-сакратар Пуціна Дзмітрый Пяскоў паведаміў, што палітык правядзе тэлефонную размову.
«Я думаю, ужо ўвечары, дакладна пасля 6-7 вечара, мы праінфармуем вас аб міжнароднай тэлефоннай размове, якая чакаецца ў прэзідэнта», — сказаў ён.
Факт размовы пацвердзіў і Дональд Трамп, дадаўшы, што адбудзецца яна ў 10 раніцы па Вашынгтону.
На 4 ліпеня, згодна інфармацыі Financial Times, запланавана размова Трампа з Зяленскім. Яна будзе прысвечана пастаўкам амерыканскай зброі ва Украіну.