Астранаўтка зрабіла ФОТА рэдкай касмічнай маланкі
Разрад спрайта можа дасягаць вышыні 50 кіламетраў.
Спрайт. Фота: @Astro_Ayers
Астранаўтка NASA Ніколь Аерс апублікавала ў твітары фота рэдкай прыроднай з'явы — разраду маланкі ў верхніх пластах атмасферы, так званага спрайта.
Яна патлумачыла, што зрабіла здымак, калі станцыя пралятала над тэрыторыямі ЗША і Мексікі.
Спрайт — адзін з самых рэдкіх тыпаў маланак, якія фарміруюцца ў верхніх пластах атмасферы Зямлі. Разрад распаўсюджваецца ў процілеглы ад паверхні планеты бок з хуткасцю да 140 кіламетраў за секунду і можа дасягаць вышыні 50 кіламетраў.