У Пухавіцкім раёне на пажары загінула 12-гадовая дзяўчынка з бабуляй
Увечары 5 ліпеня каля 23 гадзін адбыўся пажар у доме ў вёсцы Культура Пухавіцкага раёна.
Падчас ліквідацыі пажару былі знойдзены загінулымі 12-гадовая дачка гаспадара дома і яго 75-гадовая маці.
Супрацоўнікі МНС аказалі псіхалагічную дапамогу родным загінулых. Што стала прычынай пажару, пакуль не вядома.