На мінскім праспекце Дзяржынскага адбылася аварыя з удзелам пяці аўтамабіляў. Адзін з іх перакуліўся
ДТЗ адбылося прыкладна ў 18:30 8 ліпеня каля дома №131 па праспекце Дзяржынскага ў Мінску, паведамляе ГУУС Мінскага гарвыканкама.
20-гадовы кіроўца каршэрынгавага аўтамабіля Belgee страціў кантроль за кіраваннем і ўрэзаўся ў машыны, якія стаялі ўздоўж дарогі: Volkswagen, Lada, Seat і BYD. У выніку сутыкнення Belgee перакуліўся.
Маладога кіроўцу даставілі ў медыцынскую ўстанову для абследавання.