Банкаўскі працэсінгавы цэнтр вызначыў новы дэдлайн для вяртання грошай на карткі. Два ўжо праваленыя

Да 17:00, як абяцалася раней, аднавіць працу сістэмы Банкаўскага працэсінгавага цэнтра (БПЦ) не атрымалася.

Як паведамляе прэс-служба БПЦ, спецыялісты працягваюць ліквідацыю тэхнічнага збою, які закрануў працу з карткамі кліентаў «Беларусбанка», «Белаграпрамбанка» і «Белінвестбанка».

З-за збою ў асобных карыстальнікаў на картках з’явіліся няправільныя балансы, у тым ліку адмоўныя. Раней паведамлялася, што праблему вырашаць да 14:00, потым тэрмін перанеслі на 17:00, цяпер — на 22:00.

@belarusnovosti Где деньги? Почему так долго чинят? Белорусы шокированы минусами и списаниями денег на своих банковских картах #беларусбанк #беларусь #новостибеларуси #беларусьсейчас #белорусы #минсксейчас ♬ оригинальный звук - Беларусь Новости

У БПЦ падкрэсліваюць, што робяць усё магчымае, каб аднавіць правільныя даныя, і просяць прабачэння за нязручнасці. Бяспека і камфорт кліентаў застаюцца галоўным прыярытэтам, адзначаецца ў паведамленні.

Каментары да артыкула