ЗША павялічаць закуп ракет для «Пэтрыят» у 4 разы
Пентагон павысіў план закупу самых сучасных перахопнікаў Patriot з 3376 да 13 773.
Зенітна-ракетны комплекс «Пэтрыят». Фота By Glenn Fawcett Wikimedia Commons
Амерыканская армія мае намер выдаткаваць больш за $1,3 мільярда на ракеты-перахопнікі Patriot у 2026-м фінансавым годзе, паведаміла агенцтва Bloomberg 9 ліпеня.
Унутраныя дакументы Пентагона паказваюць, што армія павысіла план закупу самых сучасных перахопнікаў Patriot з 3376 да 13 773.
Гэтае рашэнне прынята пасля ацэнкі Міністэрства абароны, якая паказала, што ЗША на гэты момант маюць толькі 25% перахопнікаў, неабходных для выканання ваенных задач.