У Барысаве мужчына разбіў чужое аўто металічным ланцугом
6 ліпеня ў Барысаве раней судзімы мясцовы жыхар пашкодзіў аўтамабіль, які стаяў на бульвары Камарова. Ён нанёс не менш за 15 удараў металічным ланцугом па шкле і кузаўных частках машыны.
Фота ілюстрацыйнае
Паведамленне пра інцыдэнт паступіла ў міліцыю ад мясцовых жыхароў, якія пабачылі напад з акна. Уладальнік аўтамабіля даведаўся пра пашкоджанні ўжо пасля таго, як яму паведамілі пра гэта сілавікі.
Падазраваны не змог растлумачыць, чаму ён гэта зрабіў. Цяпер супраць яго распачатая крымінальная справа паводле ч. 1 арт. 339 (хуліганства) Крымінальнага кодэкса Беларусі.
Следчы камітэт праводзіць праверку і плануе прызначыць судова-псіхіятрычную экспертызу, каб высветліць прычыны паводзін затрыманага.
Чытайце таксама:
Жыхару Рэчыцкага раёна прысудзілі штраф за мацерную налепку на аўто
П’яны мінчук збіў дзвюх дзяўчат на касе ў краме
У Магілёве падлетак пашкодзіў верталёт, які прывезлі для экспазіцыі Музея Славы