Прайшоў чарговы дэдлайн, а балансы картак усё яшчэ не выправіліся

Па даных Банкаўскага працэсінгавага цэнтра, неабходныя аднаўленчыя работы працягваюцца і пасля 22:00.

Паведамляецца, што ніякіх дзеянняў з боку кліентаў не патрабуюцца: усе балансы будуць скарэктаваныя аўтаматычна.

Тэхнічны збой, пра які стала вядома 9 ліпеня раніцай, закрануў працу з карткамі кліентаў «Беларусбанка», «Белаграпрамбанка» і «Белінвестбанка».

З-за збою ў асобных карыстальнікаў на картках з’явіліся няправільныя балансы, у тым ліку адмоўныя. Раней паведамлялася, што праблему вырашаць да 14:00, потым тэрмін перанеслі на 17:00, а пасля — на 22:00.

Цяпер Банкаўскі працэсінгавы цэнтр, праваліўшы адзін за адным тры дэдлайны, новы канкрэтны тэрмін ужо не называе.

@belarusnovosti После вчерашних минусов на картах белорусы потеряли доверие к банкам? #беларусбанк #беларусь #новостибеларуси #беларусьсейчас #белорусы #белоруска ♬ Aglow (Intro) - Slowed Down Version - Karamel Kel

Каментары да артыкула