Аляксандр Машэнскі больш не ганаровы консул Ісландыі ў Беларусі
Ён пакінуў пасаду дзесьці паміж красавіком і ліпенем 2025 года, піша «Бюро».
Машэнскі быў прызначаны ганаровым консулам Ісландыі ў 2007 годзе і бесперапынна займаў гэтую пасаду каля 18 гадоў.
Учора стала вядома, што польскі ўрад ухваліў нацыянальныя санкцыі супраць Аляксандра Машэнскага.
Унясенне чалавека ў польскі санкцыйны спіс цягне за сабой замарожванне яго сродкаў на банкаўскіх рахунках і спыненне любой дзейнасці кампаній, якія яму належаць. Таксама гэта азначае прызнанне асобы непажаданай на тэрыторыі Польшчы і магчымую забарону на ўезд на тэрыторыю Шэнгенскай зоны.