Берасцеец за дзевяць гадоў прыводзіў на генетычную экспертызу шасцярых дзяцей
Развеяць сумневы ў кроўных сувязях жыхар Брэсцкага раёна спрабаваў двойчы.
Першы зварот мужчыны ва ўпраўленне Дзяржаўнага камітэта судовых экспертыз па Брэсцкай вобласці адбыўся ў 2016 годзе.
Эксперты-генетыкі праводзілі даследаванне біялагічнага матэрыялу траіх непаўналетніх дзяцей і ўстанаўлівалі верагоднасць бацькоўства 41-гадовага заяўніка адносна іх.
Вынікі экспертызы пацвердзілі сваяцтва мужчыны.
Аднак праз дзевяць гадоў мужчына зноў звярнуўся для правядзення генетычнай экспертызы. Узнікла неабходнасць устанаўлення бацькоўства адносна дзяцей. Іх таксама аказалася трое — два хлопчыкі і дзяўчынка.
Біялагічнае сваяцтва мужчыны было пацверджана.
Магчыма, гэта не апошні візіт мужчыны ў абласное экспертнае ведамства.
Па генетычную экспертызу ў Брэсцкай вобласці найчасцей звяртаюцца жанчыны з мэтай спагнання аліментаў, радзей — для вырашэння спадчынных пытанняў. У выпадку ўзнікнення сумневаў у кроўных сувязях ініцыятарамі экспертызы выступаюць мужчыны.