Расія чакае, што Украіна прапануе дату наступнага раўнду перамоваў
Як заявіў прэс-сакратар Уладзіміра Пуціна Дзмітрый Пяскоў, Расія чакае ад Украіны прапаноў па датах новых перамоваў па ўрэгуляванні канфлікту.
Фота: Alexei Danichev, Sputnik, Kremlin Pool Photo via AP
«Праца ідзе, але тут, я яшчэ раз паўтараю, мы чакаем прапаноў украінскага боку па тэрмінах працягвання раўндаў двухбаковых прамых перамоваў», — цытуе Пяскова РБК.
Апошні раз дэлегацыі дзвюх краін сустрэліся ў Стамбуле 2 чэрвеня. Перамовы прывялі да абмену ваеннапалоннымі і перадачы целаў загінулых салдат.