Ціханоўскі насмажыў катлет на фестывалі «Тутака»
Над лаўкай павесілі шыльду з надпісам «Катлеты па-ціханоўску» на беларускай лацінцы, піша «Белсат».
Ціханоўскі смажыць катлеты. Фота тут і далей: «Белсат»
Блогер і былы палітвязень Сяргей Ціханоўскі завітаў сёння на фестываль «Тутака». Там ён насмажыў катлет па сваім рэцэпце.
Над лаўкай, дзе кухарыў Сяргей, была шыльда з надпісам «Катлеты па-ціханоўску» на беларускай лацінцы.
Раней Святлана Ціханоўская, якую часам спрабавалі ўпікнуць яе бэкграундам хатняй гаспадыні, прызнавалася, што не ўмее гатаваць катлеты. А майстар іх смажыць — акурат яе муж.