У Мінску пажаніліся 15-гадовая дзяўчына і 16-гадовы хлопец
Колькі сталічных пар уступілі ў шлюб за шэсць месяцаў 2025-га і які ўзрост маладых, карэспандэнту агенцтва «Мінск-Навіны» расказалі ў галоўным упраўленні юстыцыі Мінаблвыканкама.
Ілюстрацыйны здымак. Фота: vecteezy.com
У першым паўгоддзі 2025-га ў сталіцы створана 4 466 сем’яў. Сярэдні ўзрост жаніха — 33 гады, нявесты — 31.
Аднак ёсць і даволі незвычайныя выключэнні. У адным з мінскіх ЗАГСаў афіцыйна аформілі адносіны 84-гадовы мужчына і 87-гадовая жанчына.
Ёсць і супрацьлеглы прыклад, калі ў шлюб уступілі 15-гадовая дзяўчына і 16-гадовы юнак.