У Мінскім раёне мужчына ўпаў у вогнішча і атрымаў апёкі
Інцыдэнт адбыўся 12 ліпеня каля 16:10 у аграгарадку Астрошыцкі Гарадок на вуліцы Шашэйнай каля ракі Усяжа, паведамляе «Мінская праўда».
Фота ілюстрацыйнае
Як паведамілі ў МНС, у выніку падзення ў вогнішча ў мужчыны загарэлася адзенне. Ён атрымаў апёкі 1—3 ступені.
Пацярпелага, які нарадзіўся ў 1962 годзе, аператыўна даставілі ў медыцынскую ўстанову. Паводле папярэдняй інфармацыі, прычына здарэння — неасцярожнае абыходжанне з агнём.