У Іванаўскім раёне дзіця выпала з аўтамабіля падчас руху
13 ліпеня каля 11:40 у Іванаўскім раёне адбылося дарожна-транспартнае здарэнне, у выніку якога пацярпела дзіця, паведамляе УУС Брэсцкага аблвыканкама.
39-гадовы кіроўца аўтамабіля Ford ехаў па дарозе Н-508 «Яечкавічы —— Патапавічы —— Петрашы». На скрыжаванні з дарогай Н-477 «Дубое — Кужалічын» ён рабіў паварот направа.
У гэты момант 12-гадовы хлопчык, які знаходзіўся на пярэднім пасажырскім сядзенні, расшпіліў рамень бяспекі, адчыніў дзверы і выпаў з машыны проста на дарогу.
Дзіця шпіталізавалі, яму аказалі медыцынскую дапамогу.