У Магілёве выпала з акна двухгадовая дзяўчынка
14 ліпеня ў Магілёўскай вобласці адбыліся два сур’ёзныя здарэнні з дзецьмі, паведамляе Следчы камітэт.
У адным з выпадкаў двухгадовая дзяўчынка ў Магілёве, якая засталася без нагляду маці, выпала з акна на трэцім паверсе. Цяпер яна знаходзіцца ў бальніцы ў цяжкім стане.
У той жа дзень 16-гадовы падлетак падчас працы з валковым прэсам атрымаў цяжкую траўму — ён страціў тры пальцы на правай руцэ.