Расійскі прадзюсар стаў дырэктарам Нацыянальнага цэнтра сучасных мастацтваў
Міністр культуры Руслан Чарнецкі прадставіў калектыву Нацыянальнага цэнтра сучасных мастацтваў новага дырэктара Сяргея Кавалёва, піша тэлеграм-канал Міністэрства культуры.
Фота: Мінкульт
Адпаведны загад аб прызначэнні на пасаду быў падпісаны 12 ліпеня.
Міністэрства паведамляе, што Сяргей Кавалёў мае вялікі досвед працы ў сферы культуры і крэатыўных індустрыях і ў свой час працаваў прадзюсарам у папулярных расійскіх медыякампаніях.
На думку Чарнецкага, прызначаны дырэктар надасць новы імпульс працы інстытуцыі.