Мінпрацы запусціла чат-бот для паведамленняў пра затрымкі заробкаў
Міністэрства працы і сацыяльнай абароны запусціла новы чат-бот у тэлеграме для тых беларусаў, каму затрымліваюць зарплату або сацыяльныя выплаты. Цяпер паведаміць пра такую праблему можна некалькімі клікамі, паведамляе прэс-служба ведамства.
У чат-боце пад назвай pszbyBot карыстальнік выбірае сваю праблему, уводзіць асабістыя даныя, інфармацыю пра працадаўцу і перыяд, за які не выплацілі грошы.
Адказ ад спецыяліста міністэрства абяцаюць прыслаць не пазней за наступны працоўны дзень. Ён удакладніць інфармацыю і дасць інструкцыі, што рабіць далей.
Таксама паведамляецца, што пасля абнаўлення сайта Мінпрацы з’явілася магчымасць бясплатна карыстацца рознымі паслугамі, у тым ліку і гэтым новым інструментам.
Чытайце таксама:
У Мінпрацы расказалі, хто можа атрымаць кампенсацыю за наступствы непагадзі
З 1 ліпеня ўсе сацыяльныя выплаты пералічваюць толькі на базавы рахунак
У Беларусі 470 тысяч пенсіянераў працягваюць працаваць — і іх колькасць павялічваецца