У выніку расійскага ўдару па Дняпры загінуў адзін чалавек, 10 параненыя
Адзін чалавек загінуў і яшчэ 10 пацярпелі ў выніку расійскага ўдару беспілотнікамі па горадзе Днепр і вобласці ноччу 17 ліпеня. Пра гэта паведаміў кіраўнік Днепрапятроўскай абласной ваеннай адміністрацыі Сяргей Лысак у Telegram.
Фота з тэлеграм-канала Сяргея Лысака
«Пад масіраванай атакай апынуўся Днепр. У абласным цэнтры загінуў адзін чалавек. Яшчэ некалькі пацярпелі. Мужчыны 35, 37, 40 і 52 гадоў шпіталізаваны. Трое з іх — у цяжкім стане. 70-гадовы пацярпелы будзе прыходзіць у сябе дома», — напісаў Сяргей Лысак.
У выніку атакі ўзнікла адразу некалькі пажараў і былі пашкоджаны прадпрыемствы.