Telegram пачаў рэгістрацыю прадстаўніцтва ў Расіі? Дураў абвяргае
Учора з'явіліся навіны, што Telegram пачаў рэгістрацыю прадстаўніцтва ў Расіі.
Павел Дураў. Фота: сацсеткі
Гэта вынікала з інфармацыі аб «Дзейнасці замежных асоб у сетцы інтэрнэт на тэрыторыі Расійскай Федэрацыі» на сайце Раскамнадгляду.
У спісе «абавязкаў» насупраць патрабаванні РКН «стварыць філіял, ці адкрыць прадстаўніцтва, ці заснаваць расійскую юрыдычную асобу» паказана, што яно знаходзіцца «ў стадыі ўзгаднення», піша Astra.
Згодна з расійскім законам, які ўступіў у сілу з 1 студзеня 2022 года, уладальнікі замежных IT-рэсурсаў з буйной расійскай аўдыторыяй абавязаны адкрываць афіцыйныя прадстаўніцтвы ў Расіі.
Стваральнік Telegram Павел Дураў пасля гэтых навін згадаў сваё ж старое паведамленне з фразай «магчыма, што мы маем справу не з бяскрыўднымі памылкамі журналістаў, а з мэтанакіраванай кампаніяй па дыскрэдатацыі» і напісаў: «100%».