Еўрасаюз увёў поўную забарону на фінансавыя транзакцыі ў дачыненні да некалькіх банкаў Беларусі
Еўрасаюз пашырыў частковую забарону на фінансавыя паслугі ў дачыненні да Беларусі ў межах 18-га пакета санкцый. Пра гэта гаворыцца ў заяве Рады ЕС.
Фота: AP
«Забарона на спецыяльныя фінансавыя паслугі пашырана да поўнай забароны на транзакцыі. Уводзіцца таксама эмбарга на імпарт зброі з Беларусі», — гаворыцца ў паведамленні.
Санкцыі ўведзены таксама ў дачыненні да васьмі аб’ектаў, звязаных з ваенна-прамысловым комплексам Беларусі, іх назвы пакуль не ўдакладняюцца.
Санкцыі распаўсюджваюцца ў дачыненні да тых беларускіх банкаў, якія раней былі адключаныя ад SWIFT, цяпер яны трапілі пад поўны бан на транзакцыі.
Як раней казаў у каментары «Люстэрку» старшы дарадца Святланы Ціханоўскай Франак Вячорка, гаворка ідзе пра «Беларусбанк», «Белаграпрамбанк», «Белінвестбанк» і «Банк Дабрабыт».
Чытайце таксама:
Фіца: Славакія здымае вета з 18-га пакета санкцый ЕС супраць Расіі