Вяртаюць дамоў хлопчыка з Беларусі, якога спрабавалі схаваць у Казахстане
У маі 2025 года маленькі Дзіма страціў маці, а людзі, якія апекаліся хлопчыкам, спрабавалі схаваць яго ў Карагандзе. Пасольства Беларусі звярнулася да казахстанскіх уладаў з просьбай дапамагчы ў пошуках дзіцяці, паведаміла беларускае МЗС.
Фота: facebook.com/belarusmfa
Супольнымі намаганнямі беларускіх дыпламатаў і казахстанскіх службаў хлопчыка знайшлі і 16 чэрвеня часова размясцілі ў дзіцячым доме «Шапагат». 18 ліпеня консул Беларусі разам са спецыялістамі з Полацка забраў хлопчыка, каб перавезці яго на радзіму.
19 ліпеня ў пасольстве Беларусі ў Казахстане з хлопчыкам сустрэўся і ўручыў яму падарункі беларускі пасол Аляксей Багданаў.