У пасажырскага Boeing 767 падчас палёту ў ЗША загарэўся рухавік
Інцыдэнт здарыўся неўзабаве пасля ўзлёту.
Момант узгарання. Скрыншот: LA Flights with Peter / YouTube
У ЗША ў пасажырскага самалёта Boeing 767 загарэўся адзін з рухавікоў падчас палёту.
Самалёт авіякампаніі Delta Airlines, які накіроўваўся 18 ліпеня ў Атланту, быў вымушаны вярнуцца ў аэрапорт Лос-Анджэлеса пасля ўзгарання, паведамляе Бі-бі-сі.
На відэа відаць, як самалёт Boeing 767-400 набірае вышыню над Лос-Анджэлесам, а з левага рухавіка вырываецца полымя. Самалёт затым зрабіў круг і паспяхова прызямліўся на ўзлётна-пасадачнай паласе.
«Рэйс 446 авіякампаніі Delta вярнуўся ў Лос-Анджэлес неўзабаве пасля вылету праз няспраўнасць левага рухавіка самалёта», — паведаміў Бі-бі-сі прадстаўнік авіякампаніі.