Беларускія памежнікі затрымалі мужчыну, які ехаў з Літвы разам з самакруткай марыхуаны
Папіросы з марыхуаны былі складзеныя ў пачак ад цыгарэт, паведамляе прэс-служба мытні. Пах пачуў служэбны сабака.
Затрыманы беларус. Фота: прэс-служба мытні
41-гадовага грамадзяніна Беларусі затрымалі на КПП «Каменны Лог». Ён ехаў з Літвы на машыне разам са сваёй жонкай.
На тое, што мужчына можа перавозіць нейкія рэчывы, указаў службовы сабака. Усяго ў беларуса знайшлі дзве самакруткі з тытунём, у якіх заўважылі ярка-зялёныя ўкрапіны.
Супраць яго распачалі крымінальную справу аб захоўванні, набыцці ці вырабе наркотыкаў (частка 1 арт. 328 КК).
Самакруткі з марыхуанай. Фота: прэс-служба мытні