Ізраіль пачаў наземную і паветраную аперацыю ў цэнтры сектара Газа
Аперацыя пачалася раніцай у панядзелак, усяго праз некалькі гадзін пасля таго, як ізраільскія вайскоўцы загадалі эвакуявацца жыхарам шасці жылых кварталаў у паўднёва-заходняй частцы горада.
Фота: Moiz Salhi/Anadolu via Getty Images
Ізраільскія войскі пачалі наземную і паветраную аперацыю ў горадзе Дэйр-эль-Балах у цэнтральнай частцы сектара Газа — у мясцовасці, дзе на зямлі баявых дзеянняў не было больш за 20 месяцаў, паведамляе Бі-бі-сі
Аперацыя пачалася раніцай у панядзелак, усяго праз некалькі гадзін пасля таго, як ізраільскія вайскоўцы загадалі эвакуявацца жыхарам шасці жылых кварталаў у паўднёва-заходняй частцы горада.
Цяпер у гэтым раёне знаходзяцца тысячы бежанцаў з Рафаха і Хан-Юніса на поўдні Газы.
Гуманітарнае ўпраўленне ААН назвала загад аб эвакуацыі «яшчэ адным спусташальным ударам» па гуманітарных намаганнях у Газе.