Білі табурэткай і тушылі недапалкі аб цела. Іншаземцы ў Мінску выкралі індыйца і вымагалі ў яго грошы
Мужчыны паабяцалі індыйцу дапамагчы трапіць у Еўрасаюз. Але гэта была пастка.
У Мінску двух іншаземцаў будуць судзіць за выкраданне чалавека і вымаганне. У снежні 2024 года яны завабілі да сябе ў кватэру яшчэ аднаго іншаземца. Мужчыны — аднаму 29 гадоў, другому 21 — паабяцалі яму дапамагчы трапіць у Еўрасаюз.
Але гэта была пастка. Іначаземцы зачынілі сваю ахвяру ў ванным пакоі і пачалі яго катаваць ды вымагаць грошы. Фігуранты прымусілі пацярпелага цалкам зняць вопратку, нанеслі не менш за 24 удары нагамі, металічнай трубой і ножкай ад табурэткі, не менш за 13 парэзаў нажом, а таксама патушылі аб мужчыну недапалак цыгарэты.
Мужчыны патрабавалі ў пацярпелага і яго маці 2 мільёны індыйскіх рупій, то-бок 81 тысячу рублёў. Пракуратура не раскрывае грамадзянства затрыманых і пацярпелага, але па ўскосных даных можна меркаваць, што выкрадзены быў індыйцам.
Ці ўдалося нападнікам атрымаць грошы, невядома. Але іх урэшце затрымалі і будуць судзіць. Пра лёс пацярпелага пракуратура таксама нічога не паведамляе.
Чытайце таксама:
На Случчыне двое пакістанцаў вымагалі грошы ў індыйца
Беларускага таксіста ўзялі ў закладнікі ў Варшаве
Жыхара Клецка асудзілі за выкраданне мігрантаў і вымаганне з іх грошай