Рамзан Кадыраў ледзь не патануў на адпачынку ў Турцыі
Кадыраў раптоўна пачаў захлынацца пасля таго, як зайшоў у ваду.
Рамзан Кадыраў. Фота: Getty Images
Кіраўнік Чачні, якога ўчора выратавалі супрацоўнікі берагавой аховы ў Бодруме, быў дастаўлены ў бальніцу на хуткай дапамозе, піша Haberler.com.
Інцыдэнт адбыўся ў пяцізоркавым гатэлі ў раёне Кайнар у Бодруме ў пасляабедзенны час 24 ліпеня.
Рамзан Кадыраў раптоўна пачаў захлынацца пасля таго, як зайшоў у ваду.
Персанал, які знаходзіўся побач і заўважыў сітуацыю, выклікаў медыцынскія службы. Каманды, што хутка прыбылі на месца, аказалі дапамогу.
Кадыраў пасля быў дастаўлены ў прыватную бальніцу на хуткай дапамозе. Паводле атрыманай інфармацыі, кіраўнік Чачні, якому аказваюць лячэнне ў бальніцы, знаходзіцца ў добрым стане. Яму нічога не пагражае.