На 8-гадовым хлопчыку загарэлася адзенне, калі ён смажыў хлеб
Няшчасны выпадак здарыўся ўчора ў Горках.
Фота: СК
Вечарам 24 ліпеня 8-гадовы хлопчык застаўся са сваім старэйшым братам, пакуль іх маці з сястрой ненадоўга выйшлі з дому, паведамляе Следчы камітэт.
У адсутнасць дарослых дзеці вырашылі падсмажыць хлеб на патэльні. Старэйшы брат уключыў газавую канфорку, паставіў на яе патэльню для нагрэву і на кароткі час выйшаў з кухні. У гэты момант 8-гадовы падышоў блізка да пліты, і раптам яго майка загарэлася.
Дзіця з апёкамі цела знаходзіцца ў бальніцы.