Кожны сёмы жыхар Славакіі падтрымлівае далучэнне да Расіі — апытанне
Паводле апытання, праведзенага агенцтвам SCIO, амаль кожны сёмы жыхар Славакіі (14%) адкрыта падтрымлівае ідэю далучэння краіны да Расіі. Яшчэ 18% таксама разглядаюць такую магчымасць, хоць і без выразнай падтрымкі, піша «Еўрапейская праўда».
Здымак ілюстрацыйны. Фота: rg.ru
Такім чынам, кожны трэці апытаны дапускае, што Славакія ў будучыні можа стаць часткай Расійскай Федэрацыі.
Найбольшую падтрымку гэтаму выказваюць студэнты і беспрацоўныя, што, па меркаванні аналітыкаў, звязана не столькі з палітычнымі перакананнямі, колькі з эканамічнай няўпэўненасцю і расчараваннем у празаходнім курсе краіны.
Таксама апытанне выявіла моцны грамадскі падзел у пытанні вайсковага нейтралітэту Славакіі. Каля 32,5% рэспандэнтаў выказаліся супраць нейтралітэту, калі ён прывядзе да пагаршэння жыцця. А вось 15% падтрымліваюць нейтралітэт незалежна ад наступстваў.
Найбольш актыўна супраць далучэння да Расіі выступаюць жыхары Жылінскага краю на поўначы краіны, але менавіта там і больш за ўсё тых, хто падтрымлівае ідэю нейтралітэту.
Нядаўна прэм’ер-міністр Славакіі Роберт Фіца заявіў, што нейтральны статус краіны быў бы для яе выгадным ва ўмовах сучаснай міжнароднай сітуацыі.
Чытайце таксама:
Фіца: Славакія здымае вета з 18-га пакета санкцый ЕС супраць Расіі
«Славакія і Сербія перамогуць!» Вучыч і Фіца запісалі відэа на фоне Крамля