На Міншчыне заўважылі два магчымыя тарнада
26 ліпеня недалёка ад Мінска былі зафіксаваны два магчымыя тарнада, паведамляе тэлеграм-канал «Метеовайб».
Адна з кандэнсацыйных варонак трапіла на фота ў раёне вёскі Падневічы Валожынскага раёна. Яна мела нізкую аснову, што можа сведчыць пра ўтварэнне смерчу.
Яшчэ адну падобную варонку заўважылі непадалёк ад Мінска. Адпаведнае відэа размешчанае ў тэлеграм-канале «Минск. Главное!».
А тым часам у раёне Оршы назіралі яшчэ адну з’яву — «шквальны каўнер» (аблокі, звязаныя з моцным шквалам ветру).