У мінчука канфіскавалі 660 кілаграмаў насваю — гэта антырэкорд
Аператыўнікі наркаконтролю Міншчыны затрымалі 39-гадовага жыхара сталіцы.
У ягоным гаражы выяўлена і канфіскана 660 кг некурыльнага тытунёвага вырабу — насваю. Рэчыва прызначалася для далейшага збыту, паведамляе прэс-служба МУС.
Фігуранту пагражае буйны штраф з канфіскацыяй выручкі або адміністрацыйны арышт.
У Беларусі забаронены вытворчасць і абарот некурыльных тытунёвых вырабаў, вырабленых з тытуню і шчолачнага кампанента.