Беларускі трэнер пакіне казахстанскі клуб пасля бойкі з футбалістам
Беларускі спецыяліст Яўген Крэсік, які працуе трэнерам па фізпадрыхтоўцы ў казахстанскім «Кызыл-Жар», можа пакінуць клуб з-за бойкі з футбалістам, піша football.by.
Інцыдэнт адбыўся на клубнай базе. У Крэсіка адбыўся канфлікт з чарнагорскім паўабаронцам Дарка Зорычам, які прывёў да бойкі.
Паведамляецца, што футбаліст ужо пакінуў клуб. Крэсік, відавочна, таксама больш не зможа там працаваць.