У Літве знайшлі беспілотнік, што заляцеў з Беларусі. Вось як ён выглядае
Яго знайшлі на палігоне каля Коўна.
Фота з фэйсбука міністра абароны Літвы Давіле Шакалене. Па папярэдніх звестках гэта «Гербера»
1 жніўня на палігоне Гайжунай, што знаходзіцца ў Ёнаўскім раёне непадалёк ад Коўна, знойдзены беспілотны лятальны апарат, які ў пачатку тыдня ўляцеў у Літву з Беларусі, паведаміла BNS.
Гэтую інфармацыю ў пятніцу пацвердзіла міністарка абароны краіны Давіле Шакалене.
Беспілотнік заляцеў раніцай у панядзелак, прычым праляцеў над Вільняй, яго шукалі некалькі дзён.
Камандарм Літвы Раймундас Вайкшнорас раней выказваў думку, што беспілотніка не было.