Вакол рэзідэнцыі Пуціна на Валдаі паставілі 12 сістэм супрацьпаветранай абароны. Год таму іх было дзве
Побач з рэзідэнцыяй Уладзіміра Пуціна на Валдаі ў Ноўгарадскай вобласці знаходзіцца як мінімум 12 разлікаў супрацьпаветранай абароны — у асноўным комплексы «Панцыр-С1», паведамляе расійская служба «Радыё Свабода».
Журналісты адзначаюць, што першы комплекс СПА выявілі ў студзені 2023 года, другі — праз паўгода.
Колькасць сістэм СПА на Валдаі на дадзены момант у пяць разоў меншая, чым у Маскве і Маскоўскай вобласці.
Раней «Праект» высветліў, што побач з домам Пуціна ў тым жа месцы пабудавалі асобную рэзідэнцыю для Аліны Кабаевай, у якой, меркавана, ёсць трое дзяцей ад яго.
Цэнтр «Дасье» пісаў, што сыны Пуціна таксама жывуць у гэтых рэзідэнцыях, ім шукаюць гувернантак з ПАР, а сястра Кабаевай прадстаўляецца новым супрацоўнікам маці дзяцей.