Стаў вядомы час заўтрашняй сустрэчы Пуціна і Трампа
Сустрэча Пуціна і Трампа пачнецца ў пятніцу, 15 жніўня, у 22:30 па мінскім часе з размовы тэт-а-тэт у прысутнасці перакладчыкаў.
Дональд Трамп і Уладзімір Пуцін у Хельсінкі, Фінляндыя, 2018 год. Фота: Pablo Martínez Monsiváis / AP
Прэзідэнты РФ і ЗША сустрэнуцца на базе ВПС ЗША Эльмендорф-Рычардсан на Алясцы. Падрыхтоўка сустрэчы Пуціна і Трампа ўступіла ў завяршальную фазу, паведамляюць расійскія СМІ.
У склад расійскай дэлегацыі таксама ўвойдуць міністр замежных спраў Сяргей Лаўроў, міністр абароны Андрэй Белавусаў, кіраўнік Мінфіна Антон Сілуанаў і кіраўнік РФПІ Кірыл Дзмітрыеў.