Ніну Багінскую ўключылі ў «спіс экстрэмістаў»

Прозвішча 78-гадовай Ніны Багінскай з'явілася ў абноўленай версіі «спіса экстрэмістаў», які вядзе МУС, заўважыла «Вясна».

Ніна Багінская

30 красавіка суддзя Максім Трусевіч разгледзеў крымінальную справу супраць актывісткі паводле ч. 2 арт. 342-2 КК. Падставай для крымінальнага пераследу сталі неаднаразовыя адміністрацыйныя пастановы за 2024 год.

Пенсіянерку тады прызналі вінаватай, але замест пакарання прызначылі «прафілактычнае назіранне».

Акрамя Ніны Багінскай у «Спіс экстрэмістаў» гэтым разам дадалі яшчэ 32 прозвішчы, на сённяшні дзень у ім знаходзіцца 5621 чалавек. Сярод іншых гэтым разам спіс папоўніўся прозвішчамі прадпрымальніка Анатоля Змітровіча і актывіста Аляксандра Сезеня.

Каментары да артыкула