Балкунец: Я звязаўся з памочнікамі Трампа і папрасіў вызваліць 1300 палітвязняў
Пасля тэлефоннай размовы Дональда Трампа і Аляксандра Лукашэнкі пра вызваленне якіх-небудзь палітвязняў яшчэ нічога не чуваць, але блогер Дзмітрый Балкунец ужо рыхтуе глебу для таго, каб заслугу ў іх вызваленні прыпісаць сабе.
Дзмітрый Балкунец
«Сёння я звязаўся з памочнікамі прэзідэнта ЗША, якія знаходзіліся з ім побач. Ад імя Belarus Democratic Forum і ініцыятывы «Ультыматум» я перадаў афіцыйны ліст на імя прэзідэнта ЗША Дональда Трампа з просьбай дапамагчы вызваліць 1300 палітычных зняволеных і падняць гэтае пытанне на сустрэчы з Пуціным», — напісаў Балкунец у сваім тэлеграм-канале.
Трэба думаць, менавіта пасля атрымання гэтага ліста Трамп тэрмінова набраў нумар Лукашэнкі.