За абразу Лукашэнкі ў прыёмным пакоі уздзенскай бальніцы затрымалі «незадаволенага жыццём мужчыну»
Паводле мясцовай раёнкі, у прыёмным аддзяленні райбальніцы, мужчына «негатыўна і абразліва» выказваўся на адрас Лукашэнкі.
Ва Уздзенскім раёне быў затрыманы мясцовы жыхар за публічнае выказванне абразлівага характару на адрас Лукашэнкі.
На заўвагі супрацоўнікаў міліцыі, што знаходзіліся ў аддзяленні, «ніяк не рэагаваў», сцвярджае «Чырвоная зорка». Міліцыянты затрымалі «незадаволенага жыццём мужчыну», піша выданне.
Мужчыну абвінавацілі па ч. 1 арт. 368 КК (абраза Лукашэнкі), яго ўзялі пад варту.
Ці быў ужо суд, не паведамляецца.