Пачаліся вучэнні войскаў сувязі з прыцягненнем прадпрыемстваў
Пад кіраўніцтвам начальніка сувязі Узброеных сіл — начальніка ўпраўлення сувязі Генштаба УС Вадзіма Раманіва ў Беларусі з 25 па 29 жніўня пройдуць аператыўна-спецыяльныя вучэнні войскаў сувязі, паведамляе прэс-служба Міністэрства абароны.
Здымак ілюстрацыйны. Фота: «Ваяр»
Мэта вучэнняў — падтрымліванне ўзроўню баявой гатоўнасці і здольнасці сістэмы сувязі эфектыўна забяспечваць кіраванне войскамі.
У вучэннях будуць задзейнічаныя прадпрыемствы прамысловасці і транспарту Беларусі, адпрацуюць новыя формы і спосабы прымянення сіл і сродкаў сувязі з выкарыстаннем авіяцыі і беспілотнікаў.
Вучэнні будуць праходзіць на палігонах, участках мясцовасці і стацыянарных аб’ектах па ўсёй тэрыторыі Беларусі. На завяршальным этапе будзе разгорнутая поўная сістэма сувязі для падтрымкі прызначаных на 12-16 верасня сумесных беларуска-расійскіх вучэнняў «Заход-2025».
Чытайце таксама:
Літва праводзіць на мяжы з Беларуссю вучэнні «Адважны грыфон»
Украіна параіла беларускай арміі падчас вучэнняў не набліжацца да мяжы
Праз расійска-беларускія вайсковыя вучэнні Літва закрыла паветраную прастору на мяжы з Беларуссю
Літва перад вучэннямі «Захад-2025» на ўсялякі выпадак узмацняе мяжу