У Мінску ўжо гатовыя да ацяпляльнага сезона
УП «Мінсккамунцепласетка» завяршыла падрыхтоўку да ацяпляльнага перыяду 2025—2026 гадоў, паведаміла дырэктарка прадпрыемства Наталля Рошчына падчас аператыўнага нарады ў Мінгарвыканкаме.
Фота ілюстрацыйнае
Як паведамляецца, за міжсезонне праведзеныя комплексныя работы: гідраўлічныя выпрабаванні, прафілактычны рамонт абсталявання кацельняў і цэнтральных цеплавых пунктаў. 21 жніўня прадпрыемства атрымала пашпарт гатоўнасці да ацяпляльнага сезона, і пасля прыняцця Мігарвыканкамам адпаведнага рашэння ацяпленне адразу будзе падавацца ў дамы мінчукоў.
Адна з работ, якая працягнецца восенню, — замена цепласетак. На сёння ўжо абноўлена каля 54 % сетак. Гэта дазволіла зменшыць колькасць аварый і участкаў са старымі трубамі. На балансе прадпрыемства засталося 14 % сетак са зношанасцю вышэй за норму; поўная іх замена плануецца на найбліжэйшыя пяць гадоў.
Чытайце таксама:
У Мінгарвыканкаме абмеркавалі праблему з паркоўкамі ў сталіцы