Мінчанка папрасіла суседа прыглядзець за дзецьмі, той узяў за «паслугі» 400 рублёў
У маі ў Фрунзенскае РУУС сталіцы звярнулася 34-гадовая жанчына, якая расказала, што з кватэры прапала 400 рублёў.
Фота: Дзяржкамітэт судовых экспертыз
На месца здарэння выехала следча-аператыўная група са спецыялістам Дзяржаўнага камітэта судовых экспертыз.
Падчас агляду пры апрацоўцы дактыліяскапічным парашком скрыні, дзе знаходзіліся грошы, экспертам быў выяўлены і след рукі.
Высветлілася, што след належыць 18-гадоваму мінчуку, які раней неаднаразова трапляў у поле зроку міліцыі. Ён быў затрыманы.
Хлопец жыў па суседстве з пацярпелай і напярэдадні, па яе просьбе, заставаўся ў кватэры паназіраць за дзецьмі. Скарыстаўшыся кароткачасовай адсутнасцю суседкі, грошы скраў.