У выніку ўдару па Кіеве загінулі ўжо 15 чалавек, у тым ліку чацвёра дзяцей
Кіраўнік Кіеўскай гарадской ваеннай адміністрацыі Цімафей Ткачэнка паведаміў, што колькасць загінулых у выніку ўдару па Кіеве вырасла да 15 чалавек. Паводле слоў Ткачэнкі, сярод загінулых — чацвёра дзяцей.
Фота: РБК-Украіна
Ткачэнка таксама ўдакладніў, што сярод пацярпелых — 10 дзяцей. Ён напісаў, што ў выніку ўдару траўмы рознай ступені цяжкасці атрымалі 38 чалавек.
Мэр Кіева Віталь Клічко паведаміў, што ў пятніцу, 29 жніўня, у сталіцы Украіны будзе абвешчаны дзень жалобы па загінулых у выніку расійскага ўдару.