У Міністэрстве адукацыі расказалі, калі бацькі могуць прыйсці ў школу да сваіх дзяцей
28 жніўня на прэс-канферэнцыі начальніца ўпраўлення агульнай сярэдняй адукацыі Міністэрства адукацыі Ірына Каржова растлумачыла, у якіх выпадках бацькі могуць трапіць у школу, дзе вучацца іх дзеці.
Фота ілюстрацыйнае
Чыноўніца адзначыла, што кіраўнік установы адукацыі абавязаны забяспечыць бяспечныя ўмовы для вучняў. Таму менавіта ён вызначае час, калі бацькі могуць без перашкод прыйсці ў школу, сустрэцца з класным кіраўніком і даведацца пра поспехі дзіцяці.
Каб трапіць у будынак, трэба паказаць дакумент, які пацвярджае асобу.
Каржова таксама нагадала, што ў многіх школах цяпер усталяваныя турнікеты, якія абмяжоўваюць свабодны ўваход. У Міністэрстве адукацыі гэта рашэнне лічаць правільным.
Чытайце таксама:
Настаўнікам у школах забаранілі карыстацца мабільнымі тэлефонамі падчас урокаў
«Аддалі ўвесь заробак» vs «усё аплаціла дзяржава». Зборы ў школу ў Беларусі і ў Польшчы