Сергеенка раптам загаварыў пра тое, колькі дзяржава траціць на аднаго школьніка
Кіраўнік Палаты прадстаўнікоў вырашыў агучыць цану бясплатнай адукацыі.
Старшыня Палаты прадстаўнікоў Ігар Сергеенка вырашыў нагадаць, што дзяржава траціць грошы на навучанне школьнікаў.
На сустрэчы з выкладчыкамі сталічнага каледжа лічбавых тэхналогій Сяргеенка расказаў, колькі бюджэту, які фармуецца з падаткаў жыхароў краіны, каштуе навучанне аднаго дзіцяці.
«У горадзе ў месяц — 312 рублёў. У год — 3 750. У вясковай мясцовасці — 700 рублёў у месяц. Дзяржава не абыходзіць увагай і педагогаў», — сказаў чыноўнік.
Ён таксама пахваліўся, што настаўнікам з пачатку года надбаўкі павялічылі на 39%, а выхавальнікам — на 20%. Але нагадаў педагогам, што яны павінны не толькі навучаць, але яшчэ і выхоўваць асобу.
Чытайце таксама:
У Міністэрстве адукацыі расказалі, калі бацькі могуць прыйсці ў школу да сваіх дзяцей