Пад Мядзелам завёўся саламяны дыназаўр
Перад Дажынкамі на палях традыцыйна робяць розныя кампазіцыі з саломы. Сустракаюцца і незвычайныя.
Скрыншот відэа з тыктоку
Так, у Мядзельскім раёне, недалёка ад аграгарадка Княгінін, паставілі саламянага дыназаўра і пячору.
«Каб не сцяг, падумаў бы, што гэта ў ЗША», — напісаў у каментарах пад відэа з саламяной скульптурай адзін з карыстальнікаў тыктоку.
«А што гэта значыць? Вяртанне ў Юрскі перыяд?» — жартуе іншы.
Скульптуры нават прыдумалі назву ў сацсетках — бульбазаўр Барыс.