Пяскоў: Пуцін запрасіў Зяленскага ў Маскву «пагаварыць, а не капітуляваць»
Пяскоў таксама назваў «няпростымі» размовы Пуціна і Трампа.
Уладзімір Пуцін і Уладзімір Зяленскі. Фота: Mikhail Metzel, Sputnik, Kremlin Pool Photo via AP; АР
Пуцін запрасіў Зяленскага ў Маскву «пагаварыць, а не капітуляваць». Пра гэта прадстаўнік Крамля Дзмітрый Пяскоў заявіў на Усходнім эканамічным форуме, паведамляе «Дождь».
«Ён быў запрошаны ў Маскву, каб пагаварыць, а не капітуляваць», — заявіў Пяскоў.
«Гэта была прапанова Пуціна», якая «была асабіста адхілена Зяленскім праз яго кіраўніка МЗС», сказаў прадстаўнік Крамля.
Пяскоў таксама назваў «няпростымі» размовы Пуціна і Трампа: «Гэта няпростыя размовы. Кожны адстойвае інтарэсы сваёй краіны. Але Пуцін высока гэта цэніць. Ён удзячны Трампу за гэта».
Чытайце таксама:
Пуцін не супраць сустрэцца з Зяленскім, калі той прыедзе да яго ў Маскву
«Пуцін працягвае дурыць галаву». У Кіеве адказалі на прапанову Зяленскаму прыехаць у Маскву
Трамп заявіў пра размову з Пуціным найбліжэйшым часам і пра «добры дыялог» з ім