Пад Гроднам аўтамабіль збіў пяцігадовага хлопчыка
Каля 7:45 35-гадовая жанчына за рулём аўтамабіля «Volvo» рухалася па вуліцы Міра ў вёсцы Квасоўка.
У гэты ж час па ходніках у спадарожным напрамку ішоў 5-гадовы хлопчык — разам са сваім бацькам.
Падчас раз’езду з машынай дзіця раптоўна выбегла на праезную частку і сутыкнулася з люстэркам задняга выгляду аўтамабіля.
У выніку здарэння хлопчык атрымаў ссадзіны і пераломы — яго даставілі ў бальніцу для аказання медыцынскай дапамогі, паведамляе абласное ДАІ.